Կիևում ռուսական հարվածի հետևանքով 4 մարդ է զոհվել

Կիևի վրա ռուսական հարվածների հետևանքով զոհվել է 4 մարդ, ևս 19-ը վիրավոր է: Կիևի քաղաքապետ Վիտալի Կլիչկոյի հաղորդմամբ՝ վնասվել են բնակելի շենքեր և կարևորագույն ենթակառուցվածքներ։

Ուկրաինայի ռազմաօդային ուժերը հայտնել են, որ ռուսական բանակը գիշերը հարձակվել է Կիևի վրա՝ օգտագործելով հարձակողական անօդաչու թռչող սարքեր, ինչպես նաև թևավոր և բալիստիկ հրթիռներ: