Իսրայելը հայտնել է Լիբանանում «Հեզբոլլահ»-ի դիրքերի վրա հարձակումների մասին

Իսրայելական բանակը հայտնել է Լիբանանի հարավում գտնվող «Հեզբոլլահ» շարժման ռազմական ենթակառուցվածքների դեմ նոր հարվածների մասին, հայտարարել է բանակի մամուլի ծառայությունը։
Իսրայելի պաշտպանության բանակը պարզաբանել է, որ հարվածներն ուղղված են եղել կազմակերպության ռազմական թևին պատկանող զենքի պահեստներին։ Իսրայելական կողմի տվյալներով՝ հարձակումները թիրախավորել են հարավում գտնվող մի քանի ռազմական օբյեկտներում զենքի պահեստավորման համար օգտագործվող ստորգետնյա սիլոսները։

Իսրայելի պաշտպանության բանակը նշել է, որ վերջին ամիսներին այդ օբյեկտներում գրանցվել է «Հեզբոլլահի» ակտիվություն։ Իսրայելը պնդում է, որ այդ օբյեկտների մոտ նման ակտիվությունը կազմում է Իսրայելի և Լիբանանի միջև հրադադարի մասին համաձայնագրի խախտում։

«Իսրայելի պաշտպանության բանակը կշարունակի միջոցներ ձեռնարկել Իսրայելի պետության առջև ծառացած ցանկացած սպառնալիք վերացնելու համար», - հայտարարել է Իսրայելի պաշտպանության բանակը։