ԱՄՆ-ն կոչ է արել իր քաղաքացիներին լքել Իրանը

Իրանում ԱՄՆ-ի «վիրտուալ» դեսպանատունը կոչ է արել ամերիկացիներին լքել երկիրը, իսկ եթե դա հնարավոր չէ՝ գտնել անվտանգ վայր և պաշարներ կուտակել։ Երկրից հեռանալու հերթական կոչը հնչել է Իրանում շարունակվող բողոքի ցույցերի ֆոնին։

«Մշակեք Իրանից հեռանալու ծրագիր, որը կախված չի լինի ԱՄՆ կառավարության օգնությունից։ Եթե չեք կարող մեկնել, գտեք անվտանգ վայր ձեր տանը կամ ապահով շենքում։ Կուտակեք սննդամթերք, ջուր, դեղամիջոցներ և այլ անհրաժեշտ իրեր»,- հայտարարել է դեսպանատունը՝ միաժամանակ կոչ անելով խուսափել ցույցերից։

Իրանում գտնվող ԱՄՆ քաղաքացիներին խորհուրդ է տրվել երկրից դուրս գալ ցամաքային ճանապարհով՝ Հայաստան կամ Թուրքիա։