«Թրամփը պատրաստ է Իրանում թե՛ ուժային սցենարի, թե՛ դիվանագիտական լուծման». Սպիտակ տուն

ԱՄՆ նախագահ Դոնալդ Թրամփը դիտարկում է Իրանի նկատմամբ նաև ուժային սցենարներ, սակայն նախընտրում է դիվանագիտական լուծումը, հայտարարել է Սպիտակ տան մամուլի քարտուղար Քերոլայն Լևիթը։

«Կարծում եմ՝ նախագահ Թրամփի ուժեղ կողմերից մեկն այն է, որ նա միշտ իր բոլոր տարբերակները պահում է սեղանին։ Ավիահարվածները կարող են լինել մեր գերագույն գլխավոր հրամանատարի սեղանին դրված բազմաթիվ տարբերակներից մեկը»,- լրագրողներին ասել է նա։

Միևնույն ժամանակ, Լևիթը նշել է, որ «դիվանագիտությունը նախագահի համար հիմնական տարբերակն է»։

Լևիթը նաև շեշտել է, որ ԱՄՆ նախագահը «չի վախենում օգտագործել ռազմական տարբերակները»։