«Ուիթքոֆը հանդիպել է Ռեզա Փահլավիի հետ». #Axios

1393

Չորեքշաբթի, 14 հունվարի, 2026 թ., 10:23

Իրանի վերջին շահի ավագ որդին՝ Ռեզա Փահլավին, բողոքի ցույցերի սկսվելուց ի վեր առաջին անգամ հանդիպել է ԱՄՆ նախագահի հատուկ բանագնաց Սթիվ Ուիթքոֆի հետ, հաղորդել է Axios-ը՝ հղում կատարելով ԱՄՆ բարձրաստիճան պաշտոնյային։ Նշվում է, որ գաղտնի հանդիպումը տեղի է ունեցել նախորդ շաբաթ:

Axios-ը նաև հայտնել է, որ հունվարի 13-ին Սպիտակ տան ազգային անվտանգության թիմը նիստ է անցկացրել՝ Թեհրանում և Իրանի այլ քաղաքներում կառավարության դեմ բողոքի ցույցերին արձագանքելու տարբերակները քննարկելու համար՝ հավելելով, որ նախագահ Դոնալդ Թրամփը ներկա չի եղել։ Աղբյուրը նշել է, որ Թրամփի վարչակազմի ներսում այս քննարկումները «համեմատաբար վաղ փուլում են», և որ Իրանի դեմ «ռազմական գործողությունների վերաբերյալ որոշումներ» դեռևս չեն կայացվել։