Մաչադոն իր Խաղաղության Նոբելյան մրցանակը հանձնել է Թրամփին

Վենեսուելայի ընդդիմության առաջնորդ Մարիա Կորինա Մաչադոն Սպիտակ տանը կայացած ընդունելության ժամանակ իր Խաղաղության Նոբելյան մրցանակը հանձնել է ԱՄՆ նախագահ Դոնալդ Թրամփին։ Այդ մասին Մաչադոն հայտարարել է ճեպազրույցի ժամանակ, հաղորդում է El Nacional-ը։

«Ես նախագահ Թրամփին ասացի, որ 200 տարի առաջ գեներալ Լաֆայետը Սիմոն Բոլիվարին մեդալ է նվիրել նախագահ Ջորջ Վաշինգթոնի պատկերով: Այդ ժամանակվանից ի վեր Սիմոն Բոլիվարը երբեք չի բաժանվել դրանից: 200 տարի անց Բոլիվարի ժողովուրդը ԱՄՆ նախագահին՝ Վաշինգթոնի ժառանգորդին, հանձնում է Խաղաղության Նոբելյան մրցանակը՝ ի նշան մեր ազատությանը նրա նվիրվածության»,- ասել է Մաչադոն:

ԱՄՆ նախագահ Դոնալդ Թրամփը շնորհակալություն է հայտնել Վենեսուելայի ընդդիմության առաջնորդին․ «Մարիան ինձ է հանձնել իր մրցանակը՝ իմ կատարած աշխատանքի համար։ Սա փոխադարձ հարգանքի այնքան գեղեցիկ ժեստ է։ Շնորհակալություն, Մարիա»,- գրել է Թրամփը՝ Truth Social սոցիալական ցանցում։

Համաձայն Նոբելյան ինստիտուտի հայտարարության, մրցանակը չի կարող փոխանցվել կամ չեղարկվել: