«Թեհրանը չի ձգտում էսկալացիայի, սակայն կպատասխանի ցանկացած ագրեսիայի»․ Դարզի

1519

Ուրբաթ, 16 հունվարի, 2026 թ., 12:43

Իրանը չի ձգտում էսկալացիայի, բայց կարձագանքի ագրեսիայի ցանկացած գործողության, հայտարարել է ՄԱԿ-ում Իրանի մշտական ներկայացուցչի տեղակալ Ղոլամհոսեյն Դարզին։

«Իրանը չի ձգտում բախման։ Սակայն ագրեսիայի ցանկացած գործողություն՝ ուղղակի կամ անուղղակի, կարժանանա վճռական, համաչափ և օրինական պատասխանի՝ համաձայն ՄԱԿ-ի կանոնադրության 51-րդ հոդվածի։ Սա սպառնալիք չէ, այլ իրավական իրականության արձանագրում։ Բոլոր հետևանքների համար պատասխանատվությունը լիովին կընկնի նրանց վրա, ովքեր նախաձեռնում են նման անօրինական գործողություններ»,- ասել է իրանցի դիվանագետը։

Հիշեցնենք, որ երեկ ՄԱԿ-ի Անվտանգության խորհուրդն ԱՄՆ-ի խնդրանքով նիստ է անցկացրել Իրանում ստեղծված իրավիճակի վերաբերյալ։