Տոկաևն ընդունել է Թրամփի հրավերը՝ միանալու Գազայի «Խաղաղության խորհրդին»

Ղազախստանի նախագահ Կասիմ-Ժոմարտ Տոկաևը ԱՄՆ նախագահ Դոնալդ Թրամփից ստացել է հրավեր՝ միանալու Գազայի հարցով «Խաղաղության խորհրդին», հայտնել է Ղազախստանի նախագահի մամուլի քարտուղար Ռուսլան Ժելդիբայը։

Ավելի վաղ Թրամփը հայտնել էր Գազայի հարցով Խաղաղության խորհրդի ձևավորման մասին և խոստացել էր մոտ ժամանակներս հրապարակել անդամների կազմը։ Սպիտակ տան հաղորդագրության համաձայն՝ խորհրդի կազմում ընդգրկվել են ԱՄՆ պետքարտուղար Մարկո Ռուբիոն, Թրամփի հատուկ բանագնաց Սթիվ Ուիթքոֆը, Թրամփի փեսա Ջարեդ Քուշները, Մեծ Բրիտանիայի նախկին վարչապետ Թոնի Բլերը, Համաշխարհային բանկի ղեկավար Աջայ Բանգան և ԱՄՆ ազգային անվտանգության հարցերով խորհրդականի տեղակալ Ռոբերտ Գաբրիելը։