«Թրամփը Դավոսում Զելենսկու հետ հանդիպում չի ծրագրել»․ #Politico

910

Երեքշաբթի, 20 հունվարի, 2026 թ., 10:17

Սպիտակ տունը դեռևս չի պլանավորել երկկողմ հանդիպում Վլադիմիր Զելենսկու հետ՝ Դավոսի ֆորումի շրջանակներում, չնայած ԱՄՆ նախագահ Դոնալդ Թրամփի՝ չորեքշաբթի օրը «Կամավորների կոալիցիայի» հետ կայանալիք հանդիպմանը՝ Ուկրաինայի անվտանգության երաշխիքները քննարկելու համար։ Այս մասին հաղորդում է Politico-ն՝ հղում կատարելով իր աղբյուրներին։

Փորձագետը, որը ցանկացել է անանուն մնալ, Politico-ին հայտնել է, որ Զելենսկին ցանկանում է անձամբ հանդիպել Թրամփի հետ, սակայն դժկամությունը գալիս է Սպիտակ տնից։

Ֆորումը մեկնարկել է երեկ և անցկացվելու է մինչև 23-ը։