«ՆԱՏՕ-ի պաշտոնյաները սահմանափակել են ԱՄՆ-ի հասանելիությունը հետախուզական տվյալներին՝ Գրենլանդիայի պատճառով»․ #iPaper

1025

Երեքշաբթի, 20 հունվարի, 2026 թ., 18:01

Դոնալդ Թրամփի կողմից Գրենլանդիայի միացման առաջարկը պառակտումներ է առաջացնում ՆԱՏՕ-ի ներսում, որի արդյունքում պաշտոնյաները հրաժարվել են ԱՄՆ-ի հետ հետախուզական տվյալներով փոխանակվել, հաղորդում է բրիտանական iPaper թերթը՝ հղում կատարելով արևմտյան հետախուզական համայնքի աղբյուրներին։

Աղբյուրներից մեկը հայտնել է, որ հետախուզական գերատեսչությունների պաշտոնյաները դադարել են «բաց խոսել» ԱՄՆ-ի հետ՝ վախենալով, որ տեղեկատվությունը կհասնի Թրամփին և կարող է օգտագործվել Գրենլանդիան ուժով գրավելու փորձի ժամանակ։

Բրիտանական հետախուզության աղբյուրը, իր հերթին, Սպիտակ տան հետ կապերի վատթարացումn անվանել է «աննախադեպ»։ Նա կարծում է, որ Մեծ Բրիտանիան կորցրել է ԱՄՆ-ի հետ հետախուզական տվյալների փոխանակման հիմնական գործընկերոջ կարգավիճակը և, Վաշինգթոնի կարծիքով, դարձել է «պարզապես Եվրոպայի մի մասը»։