«Միջազգային հարաբերությունները մտնում են նոր փուլ, որտեղ գերակայում է ուժը, ոչ թե օրենքը»․ Ալիև

Այսօր միջազգային հարաբերությունները մտնում են նոր փուլ, երբ իրավիճակը կարգավորվում է ուժի, այլ ոչ թե օրենքի գերակայության կողմից։ Այս մասին Դավոսում ընթացող Համաշխարհային տնտեսական ֆորումի շրջանակներում Euronews-ին տված հարցազրույցում հայտարարել է Ադրբեջանի նախագահ Իլհամ Ալիևը։

«Մենք դա կարող ենք տեսնել աշխարհի տարբեր մասերում։ Եվ սա ևս մեկ անգամ հիշեցնում է, որ յուրաքանչյուր երկիր պետք է իր ռազմավարությունն ու քաղաքականությունը հիմնի իր սեփական ներուժի վրա՝ լավ հարաբերություններ հաստատելով որքան հնարավոր է շատ երկրների հետ, նախ՝ իր տարածաշրջանում, և երկրորդ՝ ամբողջ աշխարհում»,- ասել է Ալիևը։