«Թրամփը հաստատել է, որ Ուկրաինան կստանա ազատ առևտրի գոտի»․ Զելենսկի

Ուկրաինայի նախագահ Վլադիմիր Զելենսկին հայտարարել է, որ Դավոսի բանակցությունների ժամանակ ԱՄՆ նախագահ Դոնալդ Թրամփն աջակցել է ազատ առևտրի գոտու ստեղծման գաղափարին։ РБК-Украина-ի հաղորդմամբ՝ Զելենսկին այս մասին հայտնել է լրագրողների հետ զրույցի ժամանակ։ «Կարծում եմ՝ սա դրական որոշում կլինի մեր բիզնեսի համար։ Մանրամասները կուսումնասիրենք ավելի ուշ, բայց շնորհակալ ենք այս առաջարկի համար։ Թրամփը ևս մեկ անգամ հաստատել է, որ Ուկրաինան կստանա դա»,- նշել է նա։