«Հայաստանը Թուրքիային է հանձնել միջազգային հետախուզման մեջ գտնվող անձի»․ Թուրքիայի ՆԳ նախարար

Օտարերկրյա պետություններում ձերբակալվել և Թուրքիա է տեղափոխվել հետախուզման մեջ գտնվող 14 անձ։ Այս մասին հայտարարել է Թուրքիայի ներքին գործերի նախարար Ալի Երլիքայան:

Նրա խոսքով՝ տարբեր հանցագործությունների մեջ մեղադրվող 9 անձ Թուրքիային արտահանձնվել է Վրաստանից, 2-ը՝ Գերմանիայից, ևս 3-ը՝ համապատասխանաբար Հայաստանից, Խորվաթիայից և Մոնտենեգրոյից:

Ըստ Երլիքայայի՝ Հայաստանից արտահանձնված անձը մեղադրվում է դիտավորյալ սպանության, ծանրացուցիչ հանգամանքներում կողոպուտի և պաշտոնական փաստաթղթերի կեղծման մեջ։

Հետախուզվող անձանց արտահանձնումը Թուրքիա իրականացվել է միջազգային համագործակցության շրջանակներում։