«Մենք բանակցություններ չենք խնդրել»․ Արաղչի

Վերջին մի քանի օրերի ընթացքում իմ ու Ուիթքոֆի միջև որևէ շփում չի եղել։ Մենք բանակցություններ չենք խնդրել, ասել է Իրանի ԱԳ նախարար Արաղչին, ում խոսքերը մեջբերում է Mehr-ը։

«Իհարկե, կան երկրներ, որոնք հանդես են գալիս որպես միջնորդներ և խորհրդակցում են մեզ հետ, և մենք կապ ենք պահպանում նրանց հետ»,- նշել է Արաղչին։

«Մեր դիրքորոշումը հստակ է՝ բանակցությունները չեն ուղեկցվում սպառնալիքներով, և բանակցություններ կարող են տեղի ունենալ միայն այն ժամանակ, երբ այլևս սպառնալիքներ և չափից շատ պահանջներ չկան»,- հավելել է Իրանի արտգործնախարարը։

Հունվարի 21-ին Ուիթքոֆը CNBC-ին ասել է, որ ԱՄՆ-ն բանակցություններ չի վարում Իրանի հետ, սակայն կողմերի միջև շփումներ եղել են։ Նա նշել է, որ իր կարծիքով, Թեհրանի հետ պետք է համաձայնության գալ, քանի որ հակառակ դեպքում «աշխարհի համար ոչ լավ օրեր կսկսվեն»։