Շաբաթ, 07 նոյեմբերի, 2026 թ.
|
Ստեփանակերտում`   +8 °C

«Հայաստանի մերձեցումը ԵՄ-ի հետ կազդի Ռուսաստանի հետ դաշնակցային հարաբերությունների վրա»․ Մասլեննիկով

«Հայաստանի մերձեցումը ԵՄ-ի հետ կազդի Ռուսաստանի հետ դաշնակցային հարաբերությունների վրա»․ Մասլեննիկով
656
Ուրբաթ, 30 հունվարի, 2026 թ., 10:40

Հայաստանի արագացված մերձեցումը Եվրոպական միության հետ բացասական հետևանքներ կունենա ինչպես Ռուսաստանի հետ դաշնակցային հարաբերությունների, այնպես էլ ամբողջ հետխորհրդային տարածքում ինտեգրացիոն գործընթացների զարգացման վրա։ Այդ մասին ТАСС-ին տված հարցազրույցում հայտարարել է ՌԴ ԱԳՆ եվրոպական խնդիրների դեպարտամենտի տնօրեն Վլադիսլավ Մասլեննիկովը։

Մեկնաբանելով Երևանի՝ Եվրոմիությանն անդամակցելու մտադրությունը՝ նա նշել է, որ հաշվի առնելով ԵՄ-ի արագընթաց վերափոխումը ագրեսիվ ռազմաքաղաքական բլոկի և Ռուսաստանի հետ առճակատմանն ուղղված նրա ռազմավարական ուղեգիծը՝ «Հայաստանի հետաքրքրությունը այս կազմակերպության անդամակցության նկատմամբ չի կարող մտահոգություն չառաջացնել»։