Երեքշաբթի, 24 փետրվարի, 2026 թ.
|
Ստեփանակերտում`   +4 °C

«ՄԱԿ-ի գլխավոր քարտուղարը դարձել է Արևմուտքի քարոզչության կրողը»․ Զախարովա

«ՄԱԿ-ի գլխավոր քարտուղարը դարձել է Արևմուտքի քարոզչության կրողը»․ Զախարովա
808
Ուրբաթ, 30 հունվարի, 2026 թ., 16:15

ՄԱԿ-ի գլխավոր քարտուղար Անտոնիու Գուտերեշը վերջնականապես դարձել է Արևմուտքի քարոզչության կրողը՝ մերժելով Դոնբասի և Ղրիմի ժողովրդի ինքնորոշման իրավունը։ Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Մենք լսեցինք զարմանալի, նույնիսկ տարօրինակ հայտարարություն ոչ թե պարզապես ՄԱԿ-ի քարտուղարությունից, այլ հենց ՄԱԿ-ի գլխավոր քարտուղարից։ Հունվարի 29-ին ՄԱԿ-ի գլխավոր քարտուղար Անտոնիու Գուտերեշը կրկին աչքի ընկավ հերթական տարօրինակ հայտարարությամբ՝ նշելով, թե ինքնորոշման սկզբունքը իբր կիրառելի չէ Ղրիմի և Դոնբասի իրավիճակներում»,- ասել է նա։

Զախարովան նշել է, որ ավելի վաղ ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկը հայտարարել էր ՄԱԿ-ի կողմից Գրենլանդիայի ժողովրդի ինքնորոշման իրավունքը ճանաչելու մասին։ «Այսպիսով՝ Դոնբասի և Ղրիմի ժողովրդին նույն իրավունքը մերժելով, Անտոնիու Գուտերեշը փաստացի իր վրա է վերցնում ճակատագրերի դատավորի դերը՝ սեփական հայեցողությամբ որոշելով, թե ում ինչ իրավունքներ են պատկանում»,- նշել է նա։

Նախօրեին Գուտերեշը հանդես էր եկել հայտարարությամբ, ըստ որի՝ ՄԱԿ-ի քարտուղարությունը եկել է այն եզրակացության, որ ժողովուրդների ինքնորոշման իրավունքը կիրառելի չէ Ղրիմի և Դոնբասի դեպքերում։

«ՄԱԿ-ի գլխավոր քարտուղարը դարձել է Արևմուտքի քարոզչության կրողը»․ Զախարովա