«Իսրայելը փորձում է համոզել ԱՄՆ-ին` հարվածել Իրանին»․ Ֆիդան

Թուրքիան հույս ունի, որ ԱՄՆ-ն չի տրվի Իսրայելի սադրանքներին և չի հարձակվի Իրանի վրա։ Այս մասին հայտարարել է Թուրքիայի արտգործնախարար Հաքան Ֆիդանը՝ Իրանի ԱԳ նախարար Աբբաս Արաղչիի հետ մամուլի ասուլիսի ժամանակ:

«Մենք տեսնում ենք, թե ինչպես է Իսրայելը փորձում համոզել ԱՄՆ-ին՝ հարված հասցնել Իրանին։ Իսրայելի այս ջանքերը կարող են լուրջ վնաս հասցնել մեր տարածաշրջանի փխրուն իրավիճակին։ Հուսով ենք, որ ԱՄՆ ղեկավարությունը խելամտորեն կգործի և դա թույլ չի տա»,- ասել է Ֆիդանը։