Շաբաթ, 07 նոյեմբերի, 2026 թ.
|
Ստեփանակերտում`   +8 °C

Կոլումբիայի նախագահը Թրամփին է փոխանցել թմրաբարոնների ցուցակը

Կոլումբիայի նախագահը Թրամփին է փոխանցել թմրաբարոնների ցուցակը
1177
Չորեքշաբթի, 04 փետրվարի, 2026 թ., 12:06

Կոլումբիայի նախագահ Գուստավո Պետրոն հայտնել է, որ ԱՄՆ նախագահ Դոնալդ Թրամփին է փոխանցել հանրապետությունից դուրս բնակվող թմրաբարոնների ցանկը։

«Թմրամիջոցների ապօրինի շրջանառության պարագլուխներն ապրում են Դուբայում, Մադրիդում, Մայամիում։ Ես նրանց անունները և նրանց հետ կապված անձանց տվյալները փոխանցել եմ նախագահ Թրամփին։ Նրանց փողերը գտնվում են Կոլումբիայից դուրս, և անհրաժեշտ է համատեղ հետապնդել՝ տարբեր երկրների հետախուզական ծառայությունների հետ համագործակցությամբ»,- ասել է նա Վաշինգթոնում ԱՄՆ նախագահի հետ հանդիպումից հետո կայացած մամուլի ասուլիսի ընթացքում։

Թրամփը և Պետրոն փետրվարի 3-ին բանակցություններ են վարել Սպիտակ տանը։ Հանդիպումից հետո ԱՄՆ նախագահը հայտարարել է, որ համաձայնության են եկել թմրավաճառության դեմ պայքարում համագործակցելու վերաբերյալ։