Հինգշաբթի, 05 մարտի, 2026 թ.
|
Ստեփանակերտում`   +1 °C

«Հայաստանն ու ՀԱՊԿ-ն կարող են փոխզիջումային լուծումներ գտնել»․ Կոպիրկին

«Հայաստանն ու ՀԱՊԿ-ն կարող են փոխզիջումային լուծումներ գտնել»․ Կոպիրկին
552
Ուրբաթ, 06 փետրվարի, 2026 թ., 16:16

Հայաստանում ՌԴ դեսպան Սերգեյ Կոպիրկինը կարծում է, որ Հայաստանը և ՀԱՊԿ-ն կարող են համատեղ փոխզիջումային լուծումներ գտնել այն խնդրահարույց հարցերի շուրջ, որոնք առաջացել են Երևանի և ռազմական դաշինքի միջև։

ՌԴ դեսպանը «Россия-24»-ին տված հարցազրույցում, անդրադառնալով Հայաստանի իշխանությունների դիրքորոշմանը Հավաքական անվտանգության պայմանագրի կազմակերպության (ՀԱՊԿ) անդամակցության հարցում, նշել է, որ վերջին օրերին եղել են ղեկավարության ներկայացուցիչների հրապարակային հայտարարություններ, մասնավորապես այն մասին, որ սառեցված կարգավիճակը չի փոխվելու։

«Ինչ վերաբերում է ՌԴ դիրքորոշմանը, ապա մենք ելնում ենք նրանից, որ Հայաստանը շարունակում է մնալ ՀԱՊԿ-ի լիիրավ անդամ։ Ինչ վերաբերում է սառեցման ձևաչափին, ապա այն նախատեսված չէ կազմակերպության պայմանագրաիրավական բազայում։ Մեր համոզմամբ՝ տարածաշրջանում անվտանգության ապահովման այլընտրանքային, հուսալի մեխանիզմ գոյություն չունի։ Իսկ այն խնդիրների մասով, որոնք առաջացել են ՀԱՊԿ-ի հետ փոխգործակցության շրջանակում, կարծում եմ, որ մենք միշտ կարող ենք համատեղ ՀԱՊԿ մասնակիցների շրջանակում՝ գործընկերային մթնոլորտում լուծումներ, այդ թվում՝ փոխզիջումներ գտնել կուտակված խնդիրների շուրջ»,- եզրափակել է ռուս դիվանագետը։

Կարդացե՛ք նաև