«Հայաստանը, Ադրբեջանը, Վրաստանը մտահոգված են Մոսկվայից բխող սպառնալիքով». Ֆինլանդիայի նախագահ

Հարավային Կովկասում «մտահոգված են Ուկրաինայի պատերազմից հետո Ռուսաստանից եկող սպառնալիքով»,- Ֆինլանդիայի նախագահ Ալեքսանդր Ստաբն այս մասին հայտարարել է Foreign Affairs-ին՝ պատասխանելով այն հարցին, թե արդյո՞ք նա սպառնալիք է տեսնում Մոսկվայից Ֆինլանդիայի կամ ՆԱՏՕ-ի այլ երկրների դեմ Ուկրաինայի պատերազմից հետո։

«Որքան շատ եմ խոսում Հարավային Կովկասի իմ ընկերների՝ Հայաստանի, Ադրբեջանի և Վրաստանի, ինչպես նաև Կենտրոնական Ասիայի իմ ընկերների հետ, այնքան ավելի եմ համոզվում, որ նրանք մեզնից ավելի մտահոգված են:

Կարևոր է հիշել, որ Ռուսաստանը չպետք է և, անշուշտ, չի փորձարկի 5-րդ հոդվածը՝ ո՛չ Ֆինլանդիայում, ո՛չ էլ որևէ այլ վայրում։ Մենք արդեն տեսել ենք Ռուսաստանի հիմնարար ռազմական ձախողումն Ուկրաինայում։ Հետևաբար, այն սցենարը, որի դեպքում Մոսկվան որոշում է փորձարկել 5-րդ հոդվածը, ես լրջորեն չեմ դիտարկում»,- հավելել է Ստաբը։