Հինգշաբթի, 04 հունիսի, 2026 թ.
|
Ստեփանակերտում`   +20 °C

«Թույլ չեմ տա բացել կամուրջը, մինչև ԱՄՆ-ն լիարժեք փոխհատուցում չստանա»․ Թրամփ

«Թույլ չեմ տա բացել կամուրջը, մինչև ԱՄՆ-ն լիարժեք փոխհատուցում չստանա»․ Թրամփ
1368
Երեքշաբթի, 10 փետրվարի, 2026 թ., 14:56

ԱՄՆ նախագահ Դոնալդ Թրամփը հայտարարել է, որ թույլ չի տա Կանադայի և ԱՄՆ Միչիգան նահանգի միջև Գորդի Հոուի անվան միջազգային կամրջի բացումը: «Ես թույլ չեմ տա բացել այս կամուրջը, մինչև ԱՄՆ-ն լիարժեք փոխհատուցում չստանա այն ամենի համար, ինչ մենք տվել ենք նրանց, ինչպես նաև մինչև Կանադան չսկսի ԱՄՆ-ին վերաբերվել հարգանքով, որին մենք արժանի ենք: Հաշվի առնելով այն ամենը, ինչ մենք տրամադրել ենք նրանց, մեզ պետք է պատկանի այդ ակտիվի (սեփականության իրավունքներ - խմբ․) առնվազն կեսը։ Եկամուտները, որոնք (Կանադան - խմբ.) կստանա ԱՄՆ շուկայից, աստղաբաշխական կլինեն»,- գրել է Թրամփը՝ TruthSocial սոցիալական ցանցում։

Նա նշել է, որ խնդրի մեղավորն ԱՄՆ նախկին նախագահ Բարաք Օբաման է, քանի որ նա «հիմարաբար հրաժարվել է սեփականության իրավունքներից, որպեսզի նրանք կարողանան շրջանցել օրենքը... և չօգտագործեն որևէ ամերիկյան արտադրանք, այդ թվում՝ մեր պողպատը»։

Բարաք Օբամայի օրոք հաստատված այս նախագիծը գտնվում է վերջին փուլում։