Գարեգին Երկրորդն ընդունել է Ռոբերտ Ամստերդամին

108

Այսօր, 16:00

Մայր Աթոռ Սուրբ Էջմիածինը ֆեյսբուքյան էջում հայտնել է․ «Փետրվարի 11-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում հանդիպեց միջազգային իրավաբան Ռոբերտ Ամստերդամին։
Հանդիպման ընթացքում քննարկվեցին անազատության մեջ գտնվող եպիսկոպոսների և ազգային բարերար Սամվել Կարապետյանի նկատմամբ ընթացող իրավական գործընթացները։
Զրուցակիցներն անդրադարձան մարդու իրավունքների պաշտպանության խնդիրներին՝ կարևորելով արդարության և օրինականության պահպանման հրամայականը»։

Աղբյուրը` Մայր Աթոռ Սուրբ Էջմիածին