Արաղչին և Գրոսին տեխնիկական քննարկում են ունեցել

Ժնևում կայացել է Իրանի արտաքին գործերի նախարար Աբբաս Արաղչիի և Ատոմային Էներգիայի միջազգային գործակալության (ԱԷՄԳ) գլխավոր տնօրեն Ռաֆայել Գրոսիի հանդիպումը: Գրոսին այս մասին գրել է X-ի իր էջում։

«Վաղը Ժնևում կայանալիք կարևոր բանակցությունների նախապատրաստման շրջանակներում մենք քիչ առաջ ավարտեցինք Իրանի արտաքին գործերի նախարարի հետ տեխնիկական քննարկումները»,- նշել է նա։

Վաղը Ժնևում ԱՄՆ-Իրան բանակցություններ են՝ միջուկային ծրագրի վերաբերյալ։