«Եվրոպացիները ոչնչով չեն կարող օգնել Ուկրաինայի շուրջ բանակցություններին». Պեսկով

Հաշվի առնելով նրանց ներկայիս տրամադրությունը՝ եվրոպացիները չեն կարող ներդրում ունենալ Ուկրաինայի հարցով բանակցային գործընթացում, ուստի Ռուսաստանը իմաստ չի տեսնում նրանց մասնակցության մեջ, հայտարարել է Ռուսաստանի նախագահի մամուլի քարտուղար Դմիտրի Պեսկովը։

«Մենք իմաստ չենք տեսնում եվրոպական մասնակցության մեջ. նրանք ոչ մի կերպ չեն կարող օգնել՝ հաշվի առնելով նրանց ներկայիս տրամադրությունը։ Դուք հենց նոր հիշատակեցիք եվրոպական դիվանագիտության ղեկավարին՝ իր փայլուն հայտարարություններով։ Ինչպե՞ս կարող են նրանք օգնել նման դիրքորոշմամբ։ Գրեթե ոչինչ», - ասել է Պեսկովը «Մոսկվա։ Կրեմլ։ Պուտին» հաղորդման ժամանակ՝ պատասխանելով այն հարցին, թե արդյոք եվրոպացիները ողջունելի են Ուկրաինայի բանակցություններում։