«Պատրաստ ենք այցելել համալսարաններ և անմիջականորեն շփվել ուսանողների հետ»․ Փեզեշքիան

Իրանի իշխանությունները պատրաստ են արձագանքել համալսարաններում անցկացվող բողոքի ակցիաների ժամանակ ուսանողների ներկայացրած պահանջներին, հայտարարել է Իսլամական Հանրապետության նախագահ Մասուդ Փեզեշքիանը։

«Եթե որոշ ուսանողներ բողոքում են, նրանք կարող են արտահայտել իրենց առարկությունները։ Բողոքը սոցիալական կյանքի դինամիկության նշան է»,- ասել է Փեզեշքիանը՝ կառավարության նիստում։

«Մեր պարտականությունն է լսել բողոքողները և ձեռնարկել միջոցներ՝ խնդիրները լուծելու համար»,- ավելացրել է նախագահը։

Ավելի վաղ Իրանի մի շարք համալսարաններում ուսանողների բողոքի ակցիաներ են սկսվել՝ իշխանությունների վարած քաղաքականության դեմ: