«Ռուսաստանը չի հաղթում, իսկ Ուկրաինան չի պարտվում». Զելենսկի

Ուկրաինայի նախագահ Վլադիմիր Զելենսկին Sky News-ի եթերում հայտնել է, որ Ուկրաինան այժմ չի կարող վերադարձնել իր տարածքները, բայց Ռուսաստանն էլ իր հերթին չի կարող հաղթել։ Զրույցի ընթացքում հաղորդավարը նշել է, որ Սպիտակ տունը հաճախ հայտարարություններ է անում այն ​​մասին, որ Ուկրաինան չի կարող հաղթել պատերազմում, և որ երկիրը ստիպված կլինի տարածքներ զիջել՝ խաղաղության համար։ Հարցին, թե արդյոք Ուկրաինան կարող է հաղթել, Զելենսկին նշել է, որ այս փուլում դա կնշանակի մեծ թվով մարդկանց կորուստ։

«Շատ դժվար է խոսել տարածքների մասին։ Դա կհանգեցնի չափազանց շատ մարդկային կորուստների։ Դա իսկապես դժվար է։ Բայց կարևորն այն է, որ Ռուսաստանը նույնպես չի կարող հաղթանակի հասնել մարտի դաշտում, ուստի նրանք չեն հաղթում, իսկ մենք չենք պարտվում»,- ասել է Զելենսկին։