Իրանը փակել է Հորմուզի նեղուցը. Reuters

1831

Շաբաթ, 28 փետրվարի, 2026 թ., 20:30

Իրանի հեղափոխության պահապանների կորպուսը (ԻՀՊԿ) արգելել է Հորմուզի նեղուցում նավագնացությունը։ ԻՀՊԿ-ն ռադիոհաղորդումներ է տարածել, որոնցում նշվում է, որ «ոչ մի նավի չի թույլատրվում անցնել Հորմուզի նեղուցով»։ Reuters-ին ասել է եվրոպական ASPIDES առաքելության ներկայացուցիչը։

Գործակալության աղբյուրը նշել է, որ Իրանի իշխանությունները պաշտոնապես չեն հայտարարել Հորմուզի նեղուցի փակման մասին։

Նավթատար նավերը Պարսից ծոցից նավթ են տեղափոխում Հորմուզի նեղուցով։ Իրանի իշխանությունները բազմիցս սպառնացել են փակել նեղուցը, որի միջով անցնում է աշխարհի նավթային փոխադրումների մինչև մեկ երրորդը։

Հորմուզի նեղուցում նավագնացության դադարեցումը համարվում էր Իրանի գործողությունների մեկը՝ ԱՄՆ-ի և Իսրայելի կողմից իր տարածքում հարվածների դեպքում։