Չորեքշաբթի, 04 մարտի, 2026 թ.
|
Ստեփանակերտում`   +5 °C

Միջանկյալ միջոց է կիրառվել «Յուքոմ», «Վիվա Արմենիա» և «Տելեկոմ Արմենիա» ընկերությունների նկատմամբ

Միջանկյալ միջոց է կիրառվել «Յուքոմ», «Վիվա Արմենիա» և «Տելեկոմ Արմենիա» ընկերությունների նկատմամբ
123
Այսօր, 15:24

Մրցակցության և սպառողների շահերի պաշտպանության հանձնաժողովը ֆեյսբուքյան էջում հայտնում է. «Սպառողները հնարավորություն կունենան հեռահաղորդակցության ծառայությունների վճարումները կատարել «Թել-Սել»-ի, «Իզի Փեյ»-ի, «Իդրամ»-ի, «Ֆասթ Շիֆթ»-ի միջոցով. ՄՍՇՊՀ-ն միջանկյալ միջոց կիրառելու մասին որոշում է կայացրել:
Մրցակցության և սպառողների շահերի պաշտպանության հանձնաժողովը մինչև հարուցված վարույթի առնչությամբ վերջնական որոշման կայացումը միջանկյալ միջոց է կիրառել «Յուքոմ» ՓԲ, «Վիվա Արմենիա» ՓԲ և «Տելեկոմ Արմենիա» ԲԲ ընկերությունների նկատմամբ։
Հանձնարարվել է անհապաղ ապահովել բջջային կապի, ինտերնետային և հեռահաղորդակցության այլ ծառայությունների դիմաց սպառողների վճարում կատարելու հնարավորությունը «Թել-Սել», «Իզի Փեյ», «Իդրամ», «Ֆասթ Շիֆթ» ընկերությունների ավտոմատ ինքնասպասարկման տերմինալների, մասնաճյուղերի, էլեկտրոնային դրամապանակների և հավելվածների միջոցով՝ շարունակելով կիրառել ֆիքսված չափի միջնորդավճարներ»:

Աղբյուրը`   Մրցակցության և սպառողների շահերի պաշտպանության հանձնաժողով