ՆԱՏՕ-ի ՀՕՊ-ը վնասազերծել է Թուրքիայի օդային տարածքում հայտնված հրթիռը

Թուրքիայի նախագահի վարչակազմը երկրի տարածքում հրթիռի վնասազերծումից հետո հայտարարել է. «Իրանից արձակված հրթիռը, որն անցել է Իրաքի և Սիրիայի օդային տարածքով և Հաթայի շրջանից ուղղվել մեր երկրի օդային տարածք, վնասազերծվել է ՆԱՏՕ-ի հակաօդային պաշտպանության համակարգերի կողմից»:

Հայտարարության մեջ նաև նշվում է, որ Թուրքիայի տարածքը պաշտպանելու համար առանց վարանելու կձեռնարկվեն անհրաժեշտ բոլոր միջոցները:

Անկարան նաև կոչ է արել կողմերին զերծ մնալ այնպիսի քայլերից, որոնք կարող են սրել լարվածությունը: