«ՆԱՏՕ-ն այժմ ներքաշվում է Իրանի դեմ պատերազմի մեջ». Լավրով

ՆԱՏՕ-ն այժմ ներքաշվում է Իրանի դեմ պատերազմի մեջ, հայտարարել է ՌԴ ԱԳ նախարար Սերգեյ Լավրովը։

«Այդպես էր Ուկրաինայում, այժմ նույնը տեղի է ունենում Մերձավոր Արևելքում: Հատկանշական է, որ ՆԱՏՕ-ն, ինչպես որ ներքաշվում է ուկրաինական գործերի մեջ արդեն տևական ժամանակ, այնպես էլ այժմ ներքաշվում է այն պատերազմի մեջ, որը ԱՄՆ-ն և Իսրայելը սանձազերծել են Իրանի դեմ»,- ասել է Լավրովը՝ ելույթ ունենալով Ուկրաինայի շուրջ իրավիճակի կարգավորման թեմայով դեսպանական «կլոր սեղանի» ժամանակ:

Ավելի վաղ դաշինքի գլխավոր քարտուղար Մարկ Ռյուտեն հայտարարել էր, որ ռազմական դաշինքը կարող է հավաքական պաշտպանության մասին հոդված կիրառել Իրանի դեմ: Նրա խոսքով՝ ՆԱՏՕ-ն չի մասնակցում գործողությանը, սակայն դաշնակիցները հիմնականում աջակցում են ԱՄՆ-ի գործողություններին: