Իրանի ԱԳ նախարարը զանգահարել է Ադրբեջանի ԱԳ նախարարին

3828

Հինգշաբթի, 05 մարտի, 2026 թ., 22:51

2026 թվականի մարտի 5-ին Իրանի Իսլամական Հանրապետության արտաքին գործերի նախարար Սեյյեդ Աբբաս Արաղչին զանգահարել է Ադրբեջանի Հանրապետության արտաքին գործերի նախարար Ջեյհուն Բայրամովին։

Այս մասին հայտնել է Ադրբեջանի արտաքին գործերի նախարարությունը։

Հեռախոսազրույցի ընթացքում նախարար Ջեյհուն Բայրամովը դատապարտել է Իրանի կողմից Նախիջևանի Ինքնավար Հանրապետության վրա անօդաչու թռչող սարքերի հարձակումները և արտահայտել իր խիստ բողոքը։ Նա ընդգծել է, որ այդ հարձակումները հակասում են միջազգային իրավունքի նորմերին և սկզբունքներին և նպաստում են տարածաշրջանում լարվածության աճին։

Սեյյեդ Աբբաս Արաղչին մտահոգություն է հայտնել Նախիջևանի Ինքնավար Հանրապետության վրա անօդաչու թռչող սարքերի հարձակումների կապակցությամբ, հայտարարել է, որ Իրանի զինված ուժերը հետաքննություն են սկսել միջադեպի վերաբերյալ և մաղթել է վիրավորված քաղաքացիական անձանց շուտափույթ ապաքինում։

Ադրբեջանական կողմը ընդգծել է, որ ակնկալում է հարձակման համար ներողություն, հետաքննության արդյունքների հնարավորինս շուտ պարզաբանում և անհրաժեշտ միջոցառումներ՝ նման միջադեպերի կրկնությունը կանխելու համար։