«Զորամասերը դուրս են բերվել մարտական դիրքեր»․ Ադրբեջանի ՊՆ

Ադրբեջանի պաշտպանության նախարարությունը պարզաբանել է №1 զորահավաք հայտարարելու ընթացակարգը. «Զորահավաք հայտարարելու դեպքում Զինված ուժերը բերվում են լիարժեք մարտական ​​պատրաստության: Միաժամանակ սկսվում է պահեստազորային զինծառայողների զորակոչը։

Զորահավաքային միջոցառումների շրջանակներում զորամասերը դուրս են բերվում մարտական դիրքեր կամ նախապես որոշված վայրեր։

Նման միջոցառումները նպատակ ունեն ապահովել բանակի օպերատիվ պատրաստվածությունը և հնարավոր սպառնալիքներին արագ արձագանքելու կարողությունը»։

Ավելի վաղ Նախիջևանի վրա իրանական անօդաչուների հարձակման վերաբերյալ գումարված ԱԽ նիստում Ադրբեջանի նախագահ Իլհամ Ալիևը հայտարարել էր, որ Ադրբեջանի զինված ուժերը բերվել են թիվ մեկ մոբիլիզացիոն վիճակի և պետք է պատրաստ լինեն ցանկացած գործողության: