«Բահրեյնում հրթիռը շեղվել է ընթացքից և ընկել տների վրա»․ #Haberler

687

Երկուշաբթի, 09 մարտի, 2026 թ., 10:06

Ամերիկյան Patriot համակարգից արձակված հրթիռն ընկել է Բահրեյնի թագավորության Սիտրա քաղաքում գտնվող բնակելի թաղամասի վրա, հայտնում է թուրքական Haberler-ը։

«Սոցիալական ցանցերում հայտնվել են հաղորդումներ այն մասին, որ վնասը պատճառվել է ոչ թե Իրանի հարձակման հետևանքով, այլ ամերիկյան Patriot հրթիռի անսարքության պատճառով, որն ընկել է բնակելի թաղամասի վրա»,- նշում է լրատվամիջոցը։

Ավելի վաղ Բահրեյնի ներքին գործերի նախարարությունը հայտնել էր Սիտրա կղզում իրանական անօդաչու թռչող սարքի հարձակման հետևանքով տեղի ունեցած պայթյունների հետևանքով տուժածների մասին։