Իրանը ձեռնարկել է իր ամենահզոր հարձակումն Իսրայելի տարածքի վրա՝ հակամարտության սկզբից ի վեր. ԻՀՊԿ

Իրանը Իսրայելի վրա իրականացրել է հակամարտության սկզբից ի վեր իր ամենահզոր հրթիռային հարվածը։ Այս մասին հայտարարել է Իսլամական հեղափոխության պահապանների կորպուսի (ԻՀՊԿ) ռազմաօդային և տիեզերական ուժերի հրամանատար, գեներալ Մաջիդ Մուսավին։

Նրա խոսքով՝ Իսլամական Հանրապետությունը իսրայելական թիրախների վրա արձակել է 1-ից 2 տոննա քաշով 30 գերծանր բալիստիկ հրթիռ։ Գեներալի խոսքով՝ հարձակումը ոչնչացրել և անջատել է կարևոր օդային հսկողության համակարգեր։