Երկուշաբթի, 13 ապրիլի, 2026 թ.
|
Ստեփանակերտում`   +6 °C

«ՆԱՏՕ-ին վատ ապագա է սպասվում, եթե հրաժարվի Հորմուզի նեղուցի հարցում ԱՄՆ-ին օգնել»․ Թրամփ

«ՆԱՏՕ-ին վատ ապագա է սպասվում, եթե հրաժարվի Հորմուզի նեղուցի հարցում ԱՄՆ-ին օգնել»․ Թրամփ
1280
Երկուշաբթի, 16 մարտի, 2026 թ., 11:31

Հյուսիսատլանտյան դաշինքին «շատ վատ ապագա» է սպասվում, եթե անդամ պետությունները չօգնեն Միացյալ Նահանգներին՝ Հորմուզի նեղուցի ապաշրջափակման հարցում, հայտարարել է ԱՄՆ նախագահ Դոնալդ Թրամփը՝ Financial Times-ին տված հարցազրույցում։

«Եթե [Հորմուզի նեղուցում ջանքերին միանալու կոչին] արձագանք չլինի, կամ եթե այն բացասական լինի, ապա կարծում եմ, որ դա շատ բացասական ազդեցություն կունենա ՆԱՏՕ-ի ապագայի վրա»,- ասել է Սպիտակ տան ղեկավարը։

Նա հավելել է, որ հետաքրքրված է ցանկացած տեսակի օգնությամբ, այդ թվում՝ տարածաշրջան ականազերծող սարքեր ուղարկելով։ Թրամփը նաև ակնարկել է, որ եվրոպական երկրների հատուկ նշանակության ուժերը կարող են օգտագործվել Պարսից ծոցում անօդաչու սարքեր շահագործող կամ ականներ տեղադրող իրանական ուժերին վերացնելու համար։