Շաբաթ, 02 մայիսի, 2026 թ.
|
Ստեփանակերտում`   +16 °C

Մահացել է աշխարհահռչակ դերասան Չակ Նորիսը

Մահացել է աշխարհահռչակ դերասան Չակ Նորիսը
4456
Ուրբաթ, 20 մարտի, 2026 թ., 19:24

Աշխարհահռչակ դերասան Չակ Նորիսի ընտանիքը հայտարարություն է տարածել՝ տեղեկացնելով 86-ամյա դերասանի մասին։ Այս մասին հայտնել է BBC-ին։

«Մեծ ցավով մեր ընտանիքը տեղեկացնում է սիրելի Չակ Նորիսի հանկարծակի մահվան մասին, որը տեղի է ունեցել երեկ առավոտյան: Թեև մենք ցանկանում ենք գաղտնի պահել մահվան հանգամանքները, բայց խնդրում ենք իմացեք, որ նա շրջապատված է եղել ընտանիքով և հեռացել է խաղաղությամբ:

Աշխարհի համար նա մարտարվեստի վարպետ էր, դերասան և ուժի խորհրդանիշ: Մեզ համար նա նվիրված ամուսին էր, սիրող հայր ու պապիկ, անփոխարինելի եղբայր և մեր ընտանիքի սիրտը:

Թեև մեր սրտերը կոտրված են, մենք խորապես երախտապարտ ենք նրա անցած ուղու և այն անմոռանալի պահերի համար, որոնք բախտ ենք ունեցել կիսել նրա հետ: Ամբողջ աշխարհի երկրպագուների կողմից ստացված սերն ու աջակցությունը չափազանց թանկ էին նրա համար, և մեր ընտանիքն անկեղծորեն շնորհակալ է դրա համար: Նրա համար դուք պարզապես երկրպագուներ չէիք, դուք նրա ընկերներն էիք:

Մենք գիտենք, որ ձեզնից շատերը լսել էին նրա վերջին հոսպիտալացման մասին և անչափ երախտապարտ ենք այն աղոթքների ու աջակցության համար, որոնք դուք հղում էիք նրան:

Մինչ մենք սգում ենք այս կորուստը, խնդրում ենք այս ընթացքում հարգել մեր ընտանիքի անդորրը: Շնորհակալ ենք մեզ հետ միասին նրան սիրելու համար»,- նշված է հաղորդագրության մեջ։

Կարդացե՛ք նաև