«Իսրայելը ֆոսֆորային զենք է կիրառել Լիբանանի հարավում»․ #AlJadeed

Իսրայելական հրետանին սպիտակ ֆոսֆորով զինամթերք է օգտագործել Լիբանանի հարավում գտնվող Ռաս ան-Նակուրա քաղաքի շրջակայքում հրետակոծության ժամանակ, հաղորդում է Al Jadeed-ը։ Լրատվամիջոցի տվյալներով՝ ֆոսֆորային արկեր են ընկել նաև հարևան Ալմա ալ-Շաաբ և Էդ-Դուհեյրա շրջաններում։ Իսրայելի հարվածները հրդեհներ են առաջացրել գյուղական վայրերում։

Արևմտյան սահմանային հատվածում, որտեղ գտնվում է Ռաս ալ-Նակուրան, բախումներ են ընթանում իսրայելական հատուկ նշանակության ուժերի և «Հեզբոլլահ»-ի միջև: