Մասիսում 75-ամյա տղամարդը դանակահարել է նախկին կնոջը

1119

Չորեքշաբթի, 25 մարտի, 2026 թ., 16:36

ՀՀ ՆԳՆ ոստիկանությունը հայտնում է․ «Մարտի 25-ին՝ ժամը 14․20-ի սահմաններում համայնքային ոստիկանության Մասիսի բաժին է ներկայացել մի տղամարդ և հայտնել, որ րոպեներ առաջ դանակահարել է նախկին կնոջը։
Պարզվել է, որ 75-ամյա տղամարդը ժամը 13․50-ի սահմաններում այցելել է Մասիսի Հանրապետության փողոցում բնակվող նախկին կնոջը և դանակահարել նրան։ Ըստ նախնական տվյալների՝ դրդապատճառը խանդն է։ 70-ամյա կինը ստացած մարմնական վնասվածքներից մահացել է։
75-ամյա տղամարդը ձերբակալվել է։ Կազմված փաստաթղթերը փոխանցվել են նախաքննական մարմին, հանգամանքները պարզվում են»։

Աղբյուրը` ՀՀ ՆԳՆ ոստիկանություն