2024-ին Տիգրան Ավինյանը խոստացել էր «Կանազ»-ի շենքում ստեղծել միջազգային երաժշտական ակադեմիա

225

Չորեքշաբթի, 25 մարտի, 2026 թ., 20:12

Ինչպես հայտնել ենք, այս պահին Երևանում այրվում է «Կանազ» մշակույթի շենքը, որը գտնվում է Արաբկիրում: Շենքը տարիներ շարունակ լքված էր, իսկ նրա հրդեհը կասկածներ է հարուցել համացանցի օգտատերերի շրջանում: Դիտմամբ են այրել, որ տեղը բարձրահարկ կառուցեն, վստահեցնում են օգտատերերը:

ՄԱՄՈՒԼ.ամ-ը հիշեցնում է, որ դեռևս 2024 թվականին Երևանի քաղաքապետ Տիգրան Ավինյանը ֆեյսբուքյան իր էջի գրառմամբ ավետել էր, թե «Երևանում կստեղծվի «Երևան» միջազգային երաժշտական ակադեմիա, որն իր տեսակով կլինի Հայաստանում առաջինն ու միակը: Ակադեմիան կգործի նախկին «Կանազ» մշակույթի տան շենքում»: