«ԱՄՆ-ն ցանկանում է տիրանալ «Հյուսիսային հոսք» գազատարներին». Լավրով

Միացյալ Նահանգները ձգտում է գերիշխել համաշխարհային էներգետիկ շուկաներում և Ռուսաստանի «Հյուսիսային հոսք» և «Հյուսիսային հոսք 2» գազատարները դիտարկում է որպես իրենց հաջորդ թիրախներ, հայտարարել է Ռուսաստանի արտաքին գործերի նախարար Սերգեյ Լավրովը։

«Վենեսուելան վառ օրինակ է։ Նշվում էր, թե «թմրանյութերի ապօրինի շրջանառության ռեժիմը պետք է հեռացվի»։ Վերջիվերջո, ամեն ինչ ավարտվեց այնպես, որ Միացյալ Նահանգները վերահսկողություն ստանձնեց Վենեսուելայի նավթարդյունաբերության նկատմամբ։ Նույնը կատարվում է նաև Իրանի հետ։ ԱՄՆ նախագահը, ըստ էության, ուղղակի տեքստով ասաց, որ ցանկանում է Իրանի հետ համատեղ վերահսկել Հորմուզի նեղուցը։ ԱՄՆ-ն այժմ նաև ասում է, որ ցանկանում է «Հյուսիսային հոսքերը» վերցնել», - ասել է Լավրովը France TV-ին տված հարցազրույցում։