«Արդեն շատ ուշ է․ պատերազմի շարունակությունը կարող է մեզ վրա թանկ նստել»․ Դանիել Դեյվիս

Իրանը փոխզիջումից անցել է Միացյալ Նահանգներին վերջնագրեր ներկայացնելուն, X սոցիալական ցանցում հայտարարել է ԱՄՆ բանակի թոշակառու փոխգնդապետ Դանիել Դեյվիսը։

«Թեհրանի պայմաններն անփոփոխ են. ԱՄՆ-ն պետք է «հեռացնի իր բոլոր բազաները տարածաշրջանից» և վճարի փոխհատուցում անցյալի վնասի համար։ Հարցն այլևս Իրանի միջուկային օբյեկտների մասին չէ. Իրանը ձգտում է դառնալ «միակ պետությունը, որը կարող է ապահովել անվտանգություն և անարգել անցում Հորմուզի նեղուցով»։
Քանի որ Մերձավոր Արևելքում հակամարտությունը հասնում է եռման կետի, Վաշինգթոնը ստիպված կլինի ընտրություն կատարել զորքերի լիակատար դուրսբերման և Իրանի հետ անխուսափելի պատերազմի սրման միջև»,- գրել է Դեյվիսը։

«Արդեն շատ ուշ է բոլոր հետևանքներից խուսափելու համար, բայց դեռ կա հնարավորություն կանխելու ամենալուրջ հետևանքները։ Պատերազմի շարունակությունը կարող է մեզ վրա թանկ նստել և մեծ ցավ պատճառել»,- եզրափակել է նա։