Իտալիայի թանգարանից գողացել են Ռենուարի, Սեզանի և Մատիսի նկարները

Իտալիայում Պարմայի մերձակայքում գտնվող թանգարանից դիմակավորված 4 անձինք մարտի 23-ի գիշերը գողացել են ֆրանսիացի նկարիչների երեք կտավներ, հայտնել է Իտալիայի ոստիկանությունը:

Նշվում է, որ Մանյանի Ռոկա հիմնադրամի թանգարանից գողացել են Օգյուստ Ռենուարի «Ձկները» (1917), Պոլ Սեզանի «Նատյուրմորտ բալերով» (1885-1887) և Անրի Մատիսի «Օդալիսկան տեռասի վրա» (1922) նկարները։ Թանգարանի ներկայացուցիչը SkyTG24-ին ասել է, որ անհայտ անձինք շենքում գտնվել են մոտ երեք րոպե և գործել են կազմակերպված: