«ԱՄՆ-ն հարվածել է Սպահանի զինամթերքի պահեստին». #WSJ

1941

Երեքշաբթի, 31 մարտի, 2026 թ., 10:04

ԱՄՆ զինվորականները հարվածներ են հասցրել Սպահանում ռազմամթերքի խոշոր պահեստին, հայտնում է The Wall Street Journal-ը՝ հղում կատարելով իրազեկ աղբյուրին: Նրա տվյալներով՝ պահեստը պայթեցվել է 2000 ֆունտ (907 կգ) կշռով հակաբունկերային ռումբերով։

Ավելի վաղ ԱՄՆ նախագահ Դոնալդ Թրամփը Truth Social-ում հրապարակել էր Սպահանում տեղի ունեցած հզոր պայթյունների տեսանյութը։

Associated Press-ը հաղորդում է, որ պայթյունները տեղի են ունեցել Սոֆեհ լեռան մոտակայքում՝ այն տարածքում, որտեղ, ենթադրաբար, գտնվում են ռազմական դիրքերը։

Սպահանում է գտնվում ուրանի հարստացման երեք օբյեկտներից մեկը, որոնք ԱՄՆ-ն ռմբակոծել էր հունիսին։