«Հաջորդը մյուս կամուրջներն են, հետո՝ էլեկտրակայանները». Թրամփը սպառնացել է Իրանին

ԱՄՆ նախագահ Դոնալդ Թրամփն Իրանի նոր իշխանություններից պահանջել է անհապաղ գործողություններ ձեռնարկել՝ սպառնալով ոչնչացնել երկրի կամուրջներն ու էլեկտրակայանները:

«Մեր զինված ուժերը դեռ չեն էլ սկսել ոչնչացնել այն, ինչ մնացել է Իրանում։ Հաջորդը մյուս կամուրջներն են, հետո՝ էլեկտրակայանները։ Նոր ղեկավարությունը գիտի, թե ինչ է պետք անել, և դա պետք է արվի արագ»,- գրել է Թրամփը՝ Truth Social-ում։

Ավելի վաղ Թրամփը հայտնել էր Իրանի խոշորագույն կամրջի ոչնչացման մասին: Թրամփն Իրանին կոչ էր արել հնարավորինս արագ գործարք կնքել, քանի դեռ երկրից «գոնե ինչ-որ բան մնացել է»: