Իսպանիայում ցուլը ցլամարտից անմիջապես առաջ մահացու հարվածել է նախկին մատադորին

CNN-ը հայտնում է, որ ուրբաթ օրը ցուլը սպանել է թոշակառու մատադորին, որը կենդանիներին ցլամարտի էր պատրաստում Իսպանիայի հարավում գտնվող Մալագա քաղաքի ցլամարտի ասպարեզում:

Ռիկարդո Օրտիսը ցլերին վարժեցնում էր Մալագայի պատմական ցլամարտի ասպարեզ Լա Մալագետայի վանդակներում, երբ կենդանիներից մեկը նրան պոզահարել է, հայտնում է միջոցառումը կազմակերպող ցլամարտի Lances de Futuro ընկերությունը։

«Մենք ցանկանում ենք մեր խորին ցավակցությունը հայտնել մահացածի ընտանիքին, ընկերներին և գործընկերներին, ով ցլամարտի աշխարհում շատ սիրված և հարգված անձնավորություն էր», - ասվում է ընկերության հայտարարության մեջ։