«Պրոցեսում ծավալվում են ստորջրյա գործողություններ՝ հրդադար թույլ չտալու նպատակն է»․Հակոբ Բադալյան

Քաղաքական մեկնաբան Հակոբ Բադալյանի թելեգրամյան գրառումը. «Իրանի խորհրդարանի նախագահ Ղալիբաֆը հայտարարել է, որ ԱՄՆ խախտել է բանակցային տասը կետերից երեքը, հետևաբար չկա բանակցության իմաստ:

Իրանը մինչ այդ հայտարարել էր, որ Լիբանանը պետք է ներառվի հրադադարի շրջանակ, այլապես հրադադար լինել չի կարող:

Այս իրողությունները, իհարկե, ունեն երկու շերտ: Մեկն այն է, որ ըստ ամենայնի պրոցեսում ծավալվում են ստորջրյա գործողություններ, որոնց նպատակն է ամերիկա-իրանյան հրադադար թույլ չտալը: Ինչպես կասեին ֆրանսցիացիները՝ «փտրիր Իսրայելին», և իհարկե բոլոր նրանց, ում համար շահեկան չէ Թրամպի՝ ճահճից դուրս գալը, ինչպես նաև՝ ԱՄՆ նախագահի պաշտոնում Ջեյ Դի Վենսի հեռանկարը:

Մյուս հանգամանքը այն է, որ առկա իրավիճակը վկայում է պարզ բանի մասին՝ հրադադար խնդրել է ոչ թե Իրանը, ինչպես ինտենսիվ կերպով փորձում է ներկայացնել ԱՄՆ նախագահը, այլ թերևս հենց Նահանգերը:

Եթե հրադադար խնդրողը լիներ Իրանը, ապա հազիվ թե Լիբանանի ուղղությամբ Իսրայելի հարվածից հետո Իրանը դա դիտարկեր բանակցության նպատակահարմարությունը կասկածի տակ դնելու պատճառ: Եթե Իրանը լիներ հրադադար խնդրողը, ապա ամեն կերպ կփորձեր կառչել այդ հրադադարից»: