«Նավթի մատակարարումները շուտով կվերսկսվեն՝ Իրանի օգնությամբ կամ առանց դրա»․ Թրամփ

ԱՄՆ նախագահ Դոնալդ Թրամփը հայտարարել է, որ նավթի մատակարարումները շուտով կվերականգնվեն՝ անկախ նրանից Իրանը կաջակցի դրան, թե ոչ: Համապատասխան հրապարակումը նա տեղադրել է Truth Social-ում։

«Իմ շնորհիվ Իրանը երբեք միջուկային զենք չի ունենա, և նավթի մատակարարումները շատ շուտով կվերսկսվեն՝ Իրանի օգնությամբ կամ առանց դրա, ինձ համար դա բոլորովին կարևոր չէ»,- նշել է ԱՄՆ առաջնորդը:

Միևնույն ժամանակ, նա քննադատել է The Wall Street Journal-ին, որն ավելի վաղ հոդված էր հրապարակել, որում նշել էր, թե Թրամփը «վաղաժամ հաղթանակ է հայտարարել»: «Սա իսկապես հաղթանակ է, և դրանում ոչ մի վաղաժամ բան չկա»,- գրել Է Սպիտակ տան ղեկավարը: