«Քեզ թուլություն չի՛ սազում, հա՛յ ազգ, չե՛նք համակերպվելու»․ Նարեկ Կարապետյան

«Ի՛մ ժողովուրդ, ես գիտեմ՝ ինչն է քեզ հետ պահում հավատալուց մեր ապագա հաջողություններին․ քեզ խոսք են տվել բազմիցս, որ ունենալու ենք ամեն ինչ, բայց չեն կատարել այդ խոստումները․․․ Երբեմն հասկանալով, երբեմն չհասկանալով՝ քայլեր են արել, որոնք թուլացրել են մեր երկիրը»,- այս մասին այսօր Ազատության հրապարակում ընթացող հանրահավաքի ընթացքում նշեց «Ուժեղ Հայաստան» կուսակցության խորհրդի անդամ Նարեկ Կարապետյանը։

«Քեզ թուլություն չի՛ սազում, հա՛յ ազգ, չե՛նք համակերպվելու»,- ընդգծեց Նարեկ Կարապետյանը՝ նաև հիշեցրեցնելով, որ պատմության տարբեր փուլերում, երբ հույսը խամրել է, թվացել է՝ ելք այլևս չկա, ասպարեզ են եկել ընթացք փոխող գործիչներ, և հայ ժողովուրդը կարողացել է կրկին ուղղել մեջքը։