Ավարտվել է Իրան-ԱՄՆ ուղիղ բանակցությունների առաջին փուլը

Իսլամաբադում ավարտվել է Իրանի և Միացյալ Նահանգների միջև Պակիստանի միջնորդությամբ ընթացող դեմառդեմ բանակցությունների առաջին փուլը, և կողմերն անցել են գրավոր տեքստերի փոխանակման գործընթացին։ Այս մասին հայտնում է իրանական Tasim գործակալությունը։

Նշվում է, որ իրանական և ամերիկյան բանակցային պատվիրակությունների փորձագիտական խմբերը, որոնք շաբաթ օրը մի քանի ժամ շարունակ ներգրավված էին բանակցություններում, դեմառդեմ քննարկումների տվյալ փուլն ավարտելուց հետո անցել են օրակարգային հարցերի վերաբերյալ գրավոր փաստաթղթերի փոխանակման՝ նպատակ ունենալով հստակեցնել կողմերի դիրքորոշումները և նախանշել հնարավոր համաձայնության շրջանակները։