«ՑԱՀԱԼ-ը պատրաստվում է վերսկսել Իրանի դեմ գործողությունները»․ #TOI

Իսրայելի պաշտպանության բանակը (ՑԱՀԱԼ) պատրաստվում է Թեհրանի դեմ ռազմական գործողությունների վերսկսմանը ԱՄՆ-ի և Իրանի միջև «բանակցությունների ձախողումից» հետո: The Times of Israel-ի հաղորդմամբ՝ այդ մասին վկայում է, ենթադրաբար, Իսրայելի ուժայինների կողմից տեղեկատվության համակարգված արտահոսքը:

Այսպես, 12-րդ ալիքը, առանց աղբյուրներին հղում կատարելու, հայտնել է, որ ՑԱՀԱԼ-ը ոչ միայն «պատրաստվում է Իրանի հետ հակամարտության վերսկսմանը, այլև Իրանի կողմից հնարավոր հանկարծակի հարձակմանը»: Kan-ը, իր հերթին, հղում կատարելով պաշտպանության նախարարության բարձրաստիճան ներկայացուցչին, հայտնել է, որ «Իսրայելը շահագրգռված է Իրանի դեմ պատերազմի վերսկսմամբ», երբ այն «ավարտվել է չափազանց վաղ և առանց Իրանի վրա բավարար ճնշման՝ միջուկային հարցի և բալիստիկ հրթիռների վերաբերյալ»։

Իսկ 13-րդ հեռուստաալիքի հաղորդագրության մեջ նշվում է, որ Իսրայելի պաշտպանության բանակի գլխավոր շտաբի պետ, գեներալ-լեյտենանտ Էյալ Զամիրը զինվորականներին հանձնարարել է պատրաստվել «ռազմական գործողությունների անհապաղ վերսկսմանը»: